Muabot sa 20 ka mga ambulansiya ang malampusong naturn-over sa probinsyal nga pangagamhanan sa Bukidnon ngadto sa tagsa-tagsa ka lungsod sa probinsya.
Gipangunahan ni Provincial Governor Jose Maria R. Zubiri Jr. inubanan ni Senator Juan Miguel Zubiri ug 3rd District Congressman Manuel “Manoy” Zubiri ang pagturn-over nga gitambungan sa mga nagkadaiyang Mayores sa mga munisipyo sa probinsya kagahapon sa Provincial Capitol.
Gikatahong mukabat sa P50M ang pondo nga nagahin sa opisina ni Sen. Zubiri aron sa pagpalit sa maong mga ambulansiya pinaagi sa kooperasyon sa probinsyal nga pangagamhanan sa Bukidnon.
Malipayon usab nga gidawat sa mga Mayores ang maong mga ambulansiya diin dako nag tabang ilabi na sa pagrespondi sa mga pasyente sa Covid-19.
Pamahayag ni Sen. Zubiri nga prioridad ang probinsya nga matunolan og mga proyekto ilabi na ang pagtukod sa mga health facility.
Facebook Comments
