Sa pamahayag ni DOH-X Regional Director Dr. Jose R. Llacuna Jr. atol sa nahitabong pagturn-over sa mga ambulansiya gikan sa probinsyal nga pangagamhanan sa Bukidnon ngadto sa mga munisipyo kagahapon sa Provincial Capitol, Malaybalay City, gibutyag niini nga ang kapin 70% herd immunity coverage sa mga kompletong nabakunahan sa probinsya dakog naitabang sa pagkalakip sa Rehiyon-X isip usa sa mga outstanding Region sa nasud kabahin sa pagkab-ot sa Herd Immunity diin anaa sa 71% ang herd immunity coverage sa kasamtangan.
Pag-aghat usab ni Llacuna sa katawhan nga magpabakuna na batok sa Covid-19 ug padayon nga magsunod sa BIDA Solusyon aron nga masiguro ang proteksiyon batok sa maong sakit.
Dugang pa ni Llacuna nga pinaagi sa pagtinabangay ug pagkooperar sa usag-usag, pas-pas nga makab-ot sa Rehiyon ang mga pangandoy ilabi na ang Herd Immunity batok sa Covid-19.
