Isip tipik sa kahulogan sa Valentines, nanghatag og learning kits ug school supplies ang grupong “Save the Children Philippines” ug “Insular Foundation” sa mga bata sa Marawi lakip na sa mga magtutungha sa Lanao del Sur ug Lanao Del Norte.
Ang maong programa giunhan ni Albert Muyot, ang chief executive Officer sa “Save the Children Philippines”.
Mahinumduman nga sulod sa kapin 62-mil ka mga estudyante sa Marawi, 28-mil niini ang gitoohang namalhin pagtungha human sa kagubot sa lugar.
Samtang, sa iyang bahin, gibutyag ni Maam Ana Maria Soriano, ang executive director sa Insular Foundation nga tumong sa “Balik Marawi, Balik Eskwela” project nga masuportahan ang mga estudyante.
Ang mga benepisyaryo sa maong mga grupo gilangkoban sa napulo ka day-care centers ug unom ka Elementary schools sa Marawi, tulo ka tunghaan sa Saguiran, Lanao del Sur ug usa ka primary school sa Matungao, Lanao del Norte.
Lakip sa gipanghatag sa nasangpit nga mga tunghaan ang napulo ka Early Childhood and Development Kits, 20 ka lamisa alang sa mga magtutudlo, 20 ka teachers kits, 20 ka bangko alang sa mga magtutudlo ug 850 ka armchairs alang sa mga magtutungha.
