TACLOBAN CITY – Nagin emosyonal hi nanay Gloria, residente han Brgy 42, Tacloban City matapos makahimangraw han RMN Tacloban samtang ginkikita an iya balay nga na ugbaw dida han nakalabay nga byernes, pasado alas 9 han gab-i.
Sumala kan nanay waray hiya may naisalbar bisan usa ha ira mga gamit matapos nga maglarab an kalayo. Iya nala ginsiguro ha mao nga mga oras an pagsalbar ha iya mga apo ngan anak nga kaupod niya ha iya panimalay.
Usa la hi nanay Gloria ha sobra 20 nga pamilya nga nawad-an hin panimalay mahitungod han sunog. Kadam-an ha ira in waray gud may naisalbar nga mga gamit.
Dugang pa ni nanay Gloria, karuyag la gihapon niya magtindog hin panimalay ha mao nga lugar.
Iya yana ginhahangyo ha gobyerno, nga unta hira in mabuligan nga makag balay utro.
Basi ha imbistigasyon han BFP Tacloban, nagtikang an sunog ha boarding house ni Kapitan Federico Binghoy matapos mabayaan han mga boarders an kandila nga nakasindi ha mao nga oras, waray man gud kuryernte ha mao nga boarding house.
Temporaryo la anay nga naukoy an mga biktima ha barangay hall han ira lugar.
Ha mga bulawanon an kasing-kasing, nanginginahanglan yana an mga biktima hin bulig ilabi an mga bado ngan pagkaon. Pwedi gihapon ini ipadara ha RMN Tacloban.
