Gidagsa sa katawhan ang 2019 Carnival Street Dance Competition nga gisugdan gikan sa Luna corner Apolinar Velez St. paingon sa Rodelsa Circle Brgy. Macasandig ning syudad kagahapong adlawa.
Mikabat sa trese ka contingent ang misalmot sa maong kompetisyon nga gilangkoban sa Brgy. Macasandig National High School; District 3 Brgy. Consolacion; Brgy. Patag National High School; Tablon National High School; Brgy. Bugo; Brgy. Macabalan; Brgy. Kauswagan; Brgy. Cugman; Brgy. Carmen; Tagoloan Municipality; MOGCHS; Brgy. Lumbia ug Balulang National High School-Balulang SK Council.
Atol sa kompetisyon, nahimong kampeon ang Brgy. Macabalan kinsa nakadawat sa 150-mil pesos ug trophy; 1st runner-up ang Brgy. Bugo nga nakadawat sa 90-mil pesos ug trophy ug 2nd runner-up ang Brgy. Patag kinsa nakadawat sa 65-mil pesos ug trophy alang sa Major Awards.
Nahimo usab nga Most Discipline Contingent ang Brgy. Balulang National High School; Most Higalaay Contingent ang Brgy. Bugo ug Best in Carnival Costume ang Brgy. Patag alang sa Special Awards.
