General Santos City— Generally peaceful ang selebrasyon sa tuna festival ug walay unsa mang kakulian nga naitala sulod sa lima ka adlaw nga selebrasyon gikan niadtong Setyembre 1 ngadto na sa culmination day nga kagahapong adlawa, Setyembre 5, 2018.
Sumala kang Police Senior Superintendent Raul Supiter, City Director sa Gensan City Police Office (GSCPO) nga hugot nga siguridad ang ilahang gipatuman hilabi na nga adunay nga bahad sa siguridad.
Pagpaklaro man usab niini nga aduna na silay aksyon nga gihimo batok sa mga netizen nga nagpost ug mga pagpanghulga atol sa selebrasyon sa Tuna Festival.
Samtang gikalipay ni Gensan City Mayor Ronnel Rivera nga natapos ang selebrasyon sa Tuna Fest 2018 nga walay unsa man natalang kakulian.
Sumala niya nga luyo pa man sa mga bahad sa siguridad nagpabiling hapsay ug malinawon ang gipahigayong culmination day.
Gani gipasalamatan niini ang suporta sa katawhan, dili lang sa mga aktibidad sa kon dili lakip na ang pagpakabana sa pagbantay da siguridad.
