21 –anyos nga lalaki patay matapos nga luthangon sang wala makilal-an nga suspek.

Dead on the spot ang 21- anyos nga lalaki sa banwa sang Banga ala 7:10 sang nagligad nga gab-i sa Purok Maharlika, Barangay Rizal Poblacion, Banga, South Cotabato matapos luthangon sang wala nakilal-an nga suspek.
Isa ka igo sang bala sa ulo ang nagtapos sa kabuhi sang biktima nga ginkilala kay Clarck June Dorado Parenas, 21-anyos, soltero, wala trabaho, residente sang nasambit nga lugar gamit ang kalibre 45 nga armas luthang sang suspek nga nakasuksok sang dark gray sweatshirt nga may hood kag nakadark short pants.
Base sa imbestigasyon sang Banga MPS, nagainom -inom suno pa ang biktima kaupod ang iya himata sa gwa sang Borja residence sa nasambit nga lugar sang hinali na lang nag-ulhot ang suspek kag gintiro ang biktima.
Gilayon nga nagpalagyo ang suspek sa wala nahibaluan nga padulungan matapos ang insidente sakay sa iya motorsiklo.
Samtang narekober sa gintabuan sang krimen ang isa ka basiyo kag balinis sang nasambit nga armas luthang.
Kaangot sini ginkumpirmar ni Police Chief Inspector Jardi Mont Sibal, Chief of Police sang Banga MPS nga may suspek na sila nga ginatutukan basi sa duha ka testimonya sang duha ka testigo.
Dugang pa nya tubtub subong ginaistablisar pa nila ang motibo sa nasambit nga insidente sa diin anay nila natokhang ang biktima sa nasambit nga banwa.