Patay nang nakit-an sulod sa iyang kwarto ang 28 anyos nga si Ricky Casiño Ocero, nga taga-Zone 3, Barangay Sta. Ana, Tagoloan, Misamis Oriental human kini gipusil sa wala mailang suspek.
Gibutyag ni SPO4 Richie Raez, ang imbistigador sa Tagoloan Municipal Police Station nga sa karon wala pa silay lead sa suspek nga mipatay sa biktima tungod kay wala kini nasayrang patay na sulod sa iyang kwarto.
Nasayran nga hubog ang biktimang miuli sa ilang balay ug nakatulog kini sa gawas apan mibakod ug mibalhin sa kwarto nga nagmaoy.
Apan kagahapon sa buntag, nakit-an na lamang kining patay ug adunay samad pinusilan sa ulo apan walay nabating buto ang pamilya ug mga silingan sa biktima.
Tungod niini, nagtuo si SPO4 Raez nga posibling gigamitan sa silencer ang buka sa armas sa suspek tungod kay wala silay nadungog nga buto.
By: RadyoMaN Ellah Baculio
