Patay ang 21 anyos nga tigpayuhot sa ilegal nga druga nga si Lermie Lunas, nga taga-Naawan, Mis. Or., human kini napusilan sa kapolisan atol sa gipahigayong buy bust operation sa Manticao, Misamis Oriental.
Matud ni Police Senior Insp. Marlou Lanioso, ang hepe sa Manticao Police Station nga upat ka samad pinusilan ang naangkon sa suspek, human kini misukol sa mga polis.
Nasayran nga gipusil sa suspek ang polis nga nagpatuong poseur buyer nga gika-transaksyon niini sa illegal nga druga, hinungdang miresponde gilayon ang mga kaubang polis niini nga nakabantay.
Tungod niini, dili na ipaubos sa otopsiya ang patayng lawas sa ilang anak, human matud pa mipirma og waiver ang pamilya sa suspek, nga dili na sila makisusi pa sa gidangatan sa ilang anak.
