Nagpositibo sa coronavirus disease ukon COVID-19 ang 21 sa 24 ka mga preso sang Koronadal City Police Station nga ginpaidalom sa swab test sang nagligad nga semana, suno kay Dr. Editho Vego, OIC City Health Officer sang Koronadal.
Sa subong padayon ang ila nga imbestigasyon kag patigayon sang contact tracing suno kay Dr. Vego kon paano nakuha sang mga inmates ang nasambit nga virus.
Apang suno kay Vego tatlo ka mga posibilidad ang ginalantaw nila kon paano nakuha sang mga preso ang virus, una amo nga may nagbisita nga infected, may bag-o nga ginsulod nga preso kag sa nagabantay sa lock-up cell.
Samtang kahapon nga adlaw suno sa iya may-yara pa sang ginpaidalom sa swab test lakip na ang nagabantay sa lock-up cell sang Koronadal CPS.
May-angot sini, suno kay Dr. Vego pungkuan nila sang Chief of Police sang Koronadal CPS ang mga himuon pa agud nga indi maglapta ang virus sa nasambit nga talatapan.
