21 narekord nga suicide incident sa South Cotabato subong nga tuig.

Makabig nga alarming na ang insidente sang suicide sa South Cotabato tungod base sa datos sang Provincial Health Office nagalab-ot na sa 21 halin Enero tubtob Hunyo subong nga tuig.
Sa nasambit nga datos nagapanguna ang syudad sang Koronadal sa may mataas nga suicide incident nga may 6, ginasundan sang Tampakan nga may 5, tig-2 naman sa banwa sang Banga, Polomolok, Lake Sebu kag Surallah, tig-1 naman sa banwa sang T`boli kag Tantangan.
Samtang 3 naman sa mga nagsuicide ang yara sa 17-anyos panubo, 9 ang yara sa edad nga 18 tubtob 30-anyos, 5 ang nagaedad sang 31 tubtob 35-anyos kag apat dire ang edad 46 tubtob 69-anyos.
Kadam-an naman sa mga ini ang estudyante, mangunguma, kag senior citizens nga halos mga lalaki naman ang nagkomitir sang suicide nga yara sa 15.
Pipila naman sa rason sang mga nagkomitir sang suicide suno kay Jade Laurence Javellana mental health program focal person sang Provincial Health Office sang South Cotabato ang tungod sa health problem, kapaslawan sa patag sang paghigugma, problema sa pamilya, illegal drugs kag iban pa.
May-angot sini tungod sa nasambit nga insidente sang suicide mas ginpabakod pa gid nila suno kay Javellana ang mental health program sa probinsya.