Nadugangan sang 210 ka bag-o nga kaso sang COVID-19 ang Western Visayas subong nga Lunes. Base sa COVID-19 case bulletin 178 nga ginpaguwa sang DOH-6, sa 210 ka bag-o nga kaso, 203 sa mga ini ang Local cases, 5 ang ROF, 1 ang LSI, kag 1 ang APOR.
Nagapanguna sa may pinakamadamo nga bag-o nga kaso ang syudad sang Bacolod nga may 64, ginasundan sang siyudad sang Iloilo nga may 49, Negros Occidental nga may 34, probinsya sang Iloilo nga may 34, Aklan may 15, Capiz may 9, Guimaras may tatlo kag duha sa probinsya sang Antique.
Bangud sini, nagsaka na sa 9,577 ang kabug-usan nga kaso sang COVID-19 sa rehiyon kon sa diin 3,766 diri ang active cases.
Nag-ayo naman sa balatian ang dugang nga 234 ka pasyente kabangdanan naglab-ot naman sa 5,657 ang mga nakarecover.
May duha naman ang nagdugang sa napatay rasun nga nagsaka na sa 154 ang numero sang mga napatay sa rehiyon 6.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
