iFM Laoag – Maragsakan ti kaadoan nga estudyante ti Burgos Agro-industrial School iti naidumduma a classrooms nga addaan iti High-Technology Equipment.
Daytoy a proyekto ket inaawagan ti Department of Education (DepEd) iti Century Learning Environment Model (CLEM). Addaan daytoy iti nagduduma nga electronic gadget kas iti computers, tablets, advance projector, copy-maker machine, mini drones ken dadduma pay.
Addaan pay daytoy iti robotics nga paginteresan dagiti ‘techno-savvy’ nga estudyante. Maisuro kadakuada iti partes ken kasta pay iti panagaramidton iti robots. Malaksid iti dayta, ti interactive projector nga mausar ket computer-based wenu mabalin a mangisuro usar iti stylus marker a nakaprograma iti sistema ti nasao a ramit.
Ti nasao a proyekto ket pinundoan ti lokal a gobierno usar iti Special Education Fund (SEF) iti panangidadaulo ni Burgos Mayor Rodolfo L. Garcia nga umabot iti nasurok kumurang 8 Million Pesos.
Kabinulig met ti lokal a gobierno iti DepEd Ilocos Norte nga idadauloan ni Schools Division Superintendent Vilma Eda nga nangipaay met iti nasurok 600 thousand pesos para iti koneksion ti internet ken daddumapay a masapol iti nasao a pagadalan. Ti pundo ti DepEd ket bunga iti programa nga “Christmas Tree Para sa ICT (Information and Communication Technology)”.
Napalaus ti panagyaman ni Superintendent Vilma Eda iti sibubukel nga administrasyun iti lokal a gobierno ti Burgos nga nangipaay iti kaunaan a Century Learning iti probinsia. Mamati isuna a mas lumalaingto pay dagiti agad-adal nangnangruna iti binneg ti siencia ken teknolohiya.
Gutgutigoten met ni Eda dagiti nagduduma nga LGUs iti probinsia a mangtulad iti daytoy a programa tapnu sapasap a maipaima kadagiti ubbing dagiti adal a maadawda iti kabaroanan panagisuro ken magun-od iti kalidad ti edukasion.
Bernard Ver, RMN News
