Nagsungka sa otoridad ang isa ka 22 anyos nga babaye nga ginapatihan miyembro sang New People’s Army (NPA) sa Barangay Tiling, banwa sang Cauayan, Negros Occidental sadtong Lunes, Nobyembre 2.
Suno sa 15th Infantry Batallion (IB) sang Philippine Army, gin-alegar ang babaye nga squad leader sang Squad 2, Sentro de Grabidad (SDG), South West Front (SWF) sang Communist Party of the Philippines – NPA.
Dugang pa sang otoridad nga sumugod sang nagsulod ini sadtong 2016 bilang miyembro sang SDG, SWF sang CPP-NPA, naga-operate ang ila grupo sa mga lugar sa banwa sang Hinoba-an, porsyon sa banwa sang Ilog kag Candoni sa Negros Occidental.
May mga operasyon man ini sa banwa sang Basay kag syudad sang Bayawan sa Negros Oriental.
Gin-turn over sang ginapatihan anay rebelde ang .357 revolver nga may anum ka live ammunition.
Daku naman ang pagpasalamat ni Lt. Col. Erwin Cariño, commander sang 15th IB sa commitment kag kusa nga pagsungka sang babaye.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
