Ipadayon sa kapulisan sa Lumbia karong hapon ang pagpasaka og kasong murder batok sa 22 anyos nga nakadunggab patay sa iyang silingan niadtong Marso 7 sa gabie.
Kini ang gibutyag ni SPO1 Antonio Pen, Desk Officer sa Lumbia Police Station sa interview sa dxCC-RMN Cagayan de Oro.
Matud ni SPO1 Pen nga naa pa karon sa ilang selda ang suspect nga si Vincent Jacaba, 22 anyos nga taga Sitio Lower Patpat, Barangay Lumbia ning syudad.
Gibutyag ni SPO1 Pen nga ang biktimang si Alfe Membreve, 17 anyos ang namatay human na ospital sulod sa duha ka adlaw.
Gituohan usab sa kapulisan nga natripan lang ang biktima kay hubog ang suspect nga si Jacaba sa dihang nahitabo ang insedente.
Facebook Comments
