22 ANYOS TAGSUMBAG HANGTUD NAMATAY SA GEN. LUNA, SURIGAO DEL NORTE Tagkilaya an biktima na si Rassy Rosa Eliot, 22 anyos, minyo, mangingisda, residente sa Brgy. 1 Poblacion, Gen. Luna, Surigao del Norte. An suspek, isa ka Benelito Micinable Eliot, 38 anyos, minyo ug construction worker. Sa inisyal na imbestigasyon nan PNP, an biktima an una na nakig-inom , sa dihang hubog na an kalit na nagwala, nohimo nan kagubot. Tagsumbag ini nan suspek ug naigo sa dubdub. Ini natumba sanan tagdali pagdaya nan mga kaibanan sa Siargao District Hospital sa Dapa pero tagdeklarar na Dead on Arrival pinaagi ni Dr. Nikki Carduza. An suspek na si Benelito Eliot an kasamtangang tagdetinir sa Gen. Luna Police Station ug tagtakda sang-atan nan kaso.
