Davao City – Pautangon sa Overseas Workers Welfare Administration (OWWA-XI), ang mga Kanhi Overseas Filipino Workers (OFW) aron makasugod sila og pagnegosyo.
Mukabat sa 22 ka Kanhi OFWs, ang nag-apply sa Business Loan ubos sa OFW Enterprise Development and Loan Program sa OWWA XI.
Kabahin sa rekisitos, mao ang pag-exposed sa mga aplikante sa Farm Visit ug Business Immersion, pagsinati ug pagpatan-aw kanila sa atraksiyon sa Uraya’s Peak Adventure Park nga gipanag-iyahan sa Kanhi OFW sa Canada nga mao si Elmor Zolina.
Ang paglantaw, hagit, ug kalampusan sa Farm Business ni Zolina, nakapadasig sa mga partisipante nga ipadayon, ang ilang damgo nga maka-establisar usab og ilang negosyo pag-abot sa panahon pinaagi sa tabang sa Business Loan sa OWWA-XI.
RadyoMaN Joel Viray
Facebook Comments
