Naglab-ot sa 221 ka bag-o nga kaso sang COVID-19 ang nalista sang DOH-6 sa Western Visayas subong nga adlaw sang Sabado. Base sa COVID-19 case bulletin 190 nga ginpagwa sang DOH-6, may pinakamadamo nga bag-o nga kaso ang nalista sa probinsya sang Negros Occidental nga may 103, ginasundan sang syudad sang Bacolod nga may 76, syudad sang Iloilo may 19; probinsya sang Capiz may 11 kag probinsya sang Iloilo may 10 ka kaso.
Bangud sini, nagsaka na sa 12,204 ang kabug-usan nga kaso sang COVID-19 sa rehiyon kon sa diin 4,025 diri ang active cases.
Nag-ayo naman sa balatian ang dugang nga 352 ka pasyente kabangdanan naglab-ot naman sa 7,912 ang mga nakarecover.
Nagsaka naman sa 262 ang mga napatay matapos nadugangan sang 2 ka pasyente ang ginbawian sang kabuhi bangud sa balatian.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
