Mikabat ngadto sa ₱223,629,000.00 ang gigahin sa probinsya alang sa mga 25,100 ka mga Brgy. Volunteers.
Sa interview sa RMN ngadto kang Hansel Echavez, ang supervising administrative officer sa Public Affairs Information and Assistance sa probinsya sa Bukidnon gibutyag niini nga kasamtangang gihimo karon ang tinuig nga pagpanghatag ug honorarium sa mga Brgy. Volunteers sa 20 ka lungsod ug 2 ka syudad nga gisugdan sugod Disyembre 9 hangtud 18, 2019, alas 8:00 ang takna sa kabuntagon hangtud sa alas 12 sa kaudtuhon dinhi sa Provincial Treasurer’s Office.
Matud ni Echavez nga susamang makadawat ug ₱24,000.00 isip honorarium sa isa ka tuig ang mga 1,375 ka mga Brgy. Service Point Officers (BSPO), 642 ka Brgy. Nutrition Scholar (BNS), 3,788 ka Brgy. Health Workers (BHW), 1,224 ka mga Day Care Workers (DCW).
Samtang makadawat usab ug ₱3,000.00 ang matag usa ka 9,280 ka Civil Volunteers Organization (CVO), 4,640 ka mga Lupong Tagapamayapa ug 4,151 ka mga Purok Leaders sa tibuok probinsya.
