Patay ang 23 anyos nga lalaki matapos na-aksidente ang ginasakyan nga tricycle sa Mt. Carmel, Barangay Alijis, syudad sang Bacolod kagab-i, Disyembre 22.
Ginkilala ang biktima kay Prince Joaquin Relatos, residente sang Mt. Carmel Subdivision sang amo man nga barangay.
Suno sa mga saksi, gin-hit and run sang isa ka pick-up ang tricycle nga ginamaneho ni Wilmar de Asis, 27 anyos, residente sang Purok Pedrosa sang nasambit man nga barangay. Matapos nga ginbunggo sang pick-up, nag-igo ang tricycle sa nagalabay nga truck nga may karga nga tubo.
Panawagan sang iloy nga si Edna sa driver sang pribado nga salakyan nga magsungka na sa mga otoridad.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
