Iligan City Natugaw ang katulogon sa mga residente sa purok 6-A Tambacan sakop ning dakbayan sa Iligan human nga miulbo ang usa ka sunog alas 10:23 ang takna kagabie.
Sa initial nga imbestigasyon sa Bureau of Fire Protection, nagsugod ang kalayo sa panimalay sa usa ka Jamerol Simban kung asa dali kining mikatag ugmi ugdaw sa 18 ka panimalay diin 14 niini ang totally damage samtang upat ang partially damage.
Sumala ni SFO2 Junaiza Dima sa BFP, miabot sa 3rd alarm ang maong sunog diin napulo ka firetrucks ang nakigbugno sa kalayo nga napalong bandang alas 11:10 na sa gabie.
Matud pa niini, nga walay namatay atol sa maong sunog apan dunay nadala sa tambalanan gumikan sa concussion.
Anaa karon sa daycare center sa purok 6 Barangay Tambacan ang 23 ka mga pamilya nga nawad-an sa ilang panimalay.
Gibana-banang muabot sa 100 thousand pesos ang damyos sa maong sunog samtang padayon pa karong gi imbestigahan sa BFP ang maong panghitabo.
