General Santos City—Angol ang usa ka lalaki human kining napusilan saw ala pa mailhing suspetsado ala 1:00 ang takna sa kaadlawon atubangan sa 4 sisters Video-k bar nga nahimutang sa national highway sakop sa Barangay Calumpang, Gensan.
Biktima giilang si Ricky Jens Modia, 24, residenti sa Purok Lower, Acharon, Gensan.
Sa inisyal nga imbistigasyon sa Police Station 5 nasuta nga nakig-inum ang biktima sa iyang mga amigo sulod sa 4 sister Video-k bar. Ala 1:50 ang takna sa kabuntagon dihang midesisyon ang biktima nga muuli sa ilang balay.
Apan samtang nag atang ug sakyanan, didto na kini giduol sa wala mailhing suspek dayon gipusil igo sa iyang liog.
Paspas nga misibat angs uspek sa wala sayring lugar samtang ang biktima daling gidala sa pinakaduol sa ospital.
Sa karon blangko pa ang Police Station 5 sa motibo sa pagpamusil sa biktima.
