General Santos City—Samdan ang usa ka 53 anyos nga lalaki human kining natigbasan sa iyang kainum sulod sa usa ka farm nga nahimutang sa purok 1, Barangay Katangawan, Gensan alas 8:00 pasado ang takna kagabie.
Giila ang biktima nga si Jovel Argrava, 53, residenti sa samang lugar.
Sa inisyal nga imbistigasyon sa Police Station 8, nasuta nga nag inum ang biktima uban sa iyang mga kaubanan sa trabaho didto mismo sa maong lugar.
Dihang nahubog naglalis ang biktima ug ang suspek nga misangko sa pagpanigbas. Biktima nakaangkon ug samad tinigbasan sa iyang liog ug ulo nga bahin kansa daling gidala sa ospital human sa insidenti.
Malampuson usab nga nasikop ang suspek sa kapulisan nga mirespondi sa lugar ug balhog na karon sa silda sa Police Station 8.
Sa karon gihuwat nalang sa kapulisan ang desisyon sa biktima kung iya bang pasakaan ug kaso ang suspetsado.
