General Santos City–Mokabat ngadto sa 24 ka mga tawo ang nasikop samtang usa ang namatay sa gipahigayong Simultaneous Anti- Criminality Law Enforcement Operations kon (SACLEO) sa General Santos City Police Office, nga gipahigayon sa nakalabay nga adlaw.
Sumala pa nga mokabat ngadto sa 20 ka operasyon ang gihimo sa kapulisan gikan sa Police Station 1 ngadto na sa Police Station 8 ug mga personahe sa General Santos City Police Office.
Ang maong SACLEO ang gilangkuban sa pag pahigayon ug buy-bust operation, pag serve ug warrant of arrest, operasyon batok iligal nga sugal ug uban pang kriminalidad ug illegal nga gimbuhaton.
Samtang narekober man usab sa maong operasyon ang 5 ka sachet sa gituohang shabu, 2 ka pakete sa pina-ugang dahon sa marijuana, 4 ka mga armas nga walay igong dukomento, mga baraha ug kwarta nga gigamit sa sugal.
Samtang mokabat usab sa 173 ang nasita tungod sa mga traffic violations kung asa 31 niini ang nahatagan ug TOP samtang 142 ang giwarningan sa kapulisan. (CDS)
