Nagdugang sang 247 ka bag-o nga kaso sang COVID-19 ang nalista sang DOH-6 sa Western Visayas subong nga adlaw sang Lunes. Base sa COVID-19 case bulletin 185 nga ginpaguwa sang DOH-6, sa 247 ka bag-o nga kaso, 224 sa mga ini ang Local cases, 4 ang ROF, 18 ang LSI, kag isa ang APOR.
May pinakamadamo nga bag-o nga kaso nga nalista sa Negros Occidental nga may 67; ginasundan sang Bacolod City nga may 56; syudad sang Iloilo may 53; Probinsya sang Capiz may 45; Probinsya sang Iloilo may 22, Guimaras kag Aklan nga may tag-duha ka kaso.
Bangud sini, nagsaka na sa 11,215 ang kabug-usan nga kaso sang COVID-19 sa rehiyon kon sa diin 4,107 diri ang active cases.
Nag-ayo naman sa balatian ang dugang nga 79 ka pasyente kabangdanan naglab-ot naman sa 6,867 ang mga nakarecover.
Sa karon nagsaka naman sa 241 ang mga napatay matapos nadugangan sang 19 ka pasyente ang ginbawian sang kabuhi bangud sa balatian.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
