General Santos City—Angol ang usa ka John Mark Caberto, 25 anyos, residenti sa barangay Sison, Maitum, Sarangani Province human kining gidunggab sa usa ka Balong Cabasan, residenti sa maong lugar.
Sumala ni Arlyn, inahan sa biktima nga nagbaktas lang ang iyang anak uban sa iyang amigo dihang kalit matud pa kining gidunggab sa suspek igo sa iyang abaga.
Paspas nga misibat ang suspek diin gitabangan kini sa ilang silingan nga si Jun-jun Nabol aron nga makasibat.
Ang biktima daling gidala sa pampublikong ospital sa Maitum apan gibalhin sa Dr. Jorge Royeca Hospital gumikan sa dakong samad nga naangkon niini.
Sa karon nagpadayon ang gihimong imbistigasyon sa kapulisan kalabutan sa maong insidenti, ug gipangita pa ang suspek sa krimen.
Facebook Comments
