Arestado ang 25 anyos nga lalake kinsa DI Listed sa gihimong Joint Buy bust operation sa kapolisan sa Gingoog sa pagdumala ni Police Lt. Col. Ariel Philip Pontillas ug personahe sa Pdea 10 alas 7:30 kagabie sa National Highway, Barangay 17, Gingoog City.
Suspek nailang si Marvin Antiga, dunay live-in partner ug residente sa Purok 6, Barangay 18A sa maong dakbayan.
Nakuha sa posisyon sa suspek ang usa ka sachet sa heat sealed transparent cellophane nga dunay sulod shabu ug duha ka tag 500 peso bill lakip na niini ang buy bust money.
Si Antiga nakasupak sa section 5 sa Republic Act 9165 o Comprehensive Dangerous Drugs Act of 2002 ug detinado kini sa Gingoog City Police Office samtang gihimo ang dugang imbistigasyon pinaagi ni PCpl Gibson Tawede Enterina.
