General Santos City–Kasong pagsupak sa RA 9165, sec. 5 sa Art II kon Comprehensive Dangerous Act Of 2002 ang atubangon sa usa ka Bonjovi Margin, 25 anyos nga annimuyo sa Zone 2-C Extension Baranagy Bula ning syudad human nga nasikop kini sa mga personahe sa Police Station 1, sa ilahang gipahigayon nga buy-bust operation ala 1:28 sa kabuntagon sa Pioneers Park, Barangay Dadiangas West ning syudad.
Sumala pa ni Police Captain Abdulsalam Mamalinta ang hepe sa Police Station 1 nga ang nasangpit nga suspect ang nakuhaan matud pa ug usa ka plastic sachet sa pinaugang dahon sa marijuana nga dunay kantidad P1000,00, samtang nakuha usab sa iyahang possession ang 500 pesos nga mark money.
Target nga customer sa suspek mao ang mga kabatan-onan ug mga estudyante hinungdan nga hugot ang ginahimong pagmonitor karon sa kapulisan aron mapagkang ang susamang binuhatan aron nga dili mabiktima ang mga bata sa maong bisyo.
Dugang pa ni Captain Mamalinta nga gawas sa pagpamaligya niini ug iligal nga droga nakadawat usab sila ug impormasyon nga adunay kanhing kasong robbery with homicide ang suspect sa ubang estasyon apan naka gawas lang kini sa presohan.
Samtang, gidudahan usab nga gawas sa droga, lambigit sab sa serye sa sa kinawatay sa AOR sa Police Station 1 ang suspek.
