Yara sa 25 ka mga health workers sa South Cotabato ang nagpositibo sa COVID-19 sa probinsya suno kay Provincial Health Officer Dr. Rogelio Aturdido Jr.
Sa nasambit nga numero 11 ka mga health workers halin sa Howard Hubbard Memorial Hospital sa Polomolok, 7 sa Koronadal City, 2 sa South Cotabato Provincial Hospital, 2 sa Buntuyan Medical Clinic, 2 nga nagatrabaho sa General Santos apang nagaduty sa South Cotabato kag isa sa Covid hospital.
Samtang yara naman sa 56 ka health workers sa Koronadal City ang naka-quarantine matapos nga may kaupod nga nagpositibo sa virus.
Samtang naka-quarantine naman ang 14 sa 24 ka staff sang duha ka delivery room sang South Cotabato Provincial Hospital matapos nga nagpositibo ang isa ka pasyente nga nakalaton sa isa ka midwife.
May-angot sini, temporaryo nga ginsarado ang delivery room sang balay bululngan.
Nag-apela naman si Dr. Aturdido sa publiko nga indi i-discriminate ang mga nagpositibo nga frontliners subong man ang ila mga nakaupod.
