Mikabat sa 250 ka indibidwal ang anaa karon sa drug watchlist sa Barangay Cugman.
Matud ni Barangay Cugman Community Based Rehabilitation Programa kon CBRP Manager Jigs Norman Neri nga kini nga lista gikan mismo sa Philippine Drug Enforcement Agency kon PDEA region 10.
Sa maong ihap, 169 pa ang na validate, samtang ang uban ang i-verify pa.
Tungod niini, paningkamotan sa Barangay Cugman ubos sa pagdumala ni Kapitan Wendelyn Escobia nga maka-eskwela sa CRBP ang nasangpit nga indibidwal pinaagi sa pagtuktok hangyo nga mouban sa programa.
Samtang aduna nay building nga himoong rehabilitasyon sa mga indibidwal nga anaa sa drug watchlist sa Barangay Cugman. Kini nahimutang sa Kalayaan sa Zone 2 Cugman.
Nasayran nga kini nga building ang gi-donate sa rotary club ug kasamtangan nga gi-klasihan karon sa Alternative Learning Class kon ALS.
