Yara sa 22 ka mga puluy-an lakip na mga tindahan ang partially damage sa pagpanalakay sang buhawi sa Brgy. Lopez Jaena, Norala, South Cotabato, pasado alas 2:30 sang Dominggo sang hapon, Oktubre 8, 2017.
Base sa assessment sang BDRRMC suno kay Norala Municipal Disaster Risk Reduction and Management Action Officer Aiza Gabion Lim nagalab-ot naman sa P250, 000.00 ang natuga nga danyos sang buhawi tungod sa pagkalatabog sang atop sang mga puluy-an sa lugar.
May mga puno man suno pa sang kahoy ang nagkalatumba tungod sa mabaskog nga hangin.
Ginkumpirmar man ni Mdrrmo Lim nga nakahatag na sang ayuda ang lokal nga panggobyerno sang Norala sa mga apektado nga pamilya sang nasambit nga kalamidad.
Nakapatigayon naman suno pa sila sang information dissemination sa mga residente sa barangay nga mangin alerto kon maglain ang panahon.
Photo credit to: Mdrrmo Norala
