251 ka bag-o nga kaso sang covid-19 sa Western Visayas nagdugang subong nga biyernes, 132 dire taga Negros Occidental kag 44 taga Bacolod

Nadugangan sang 251 ka bag-o nga kaso sang COVID-19 ang Western Visayas subong nga Biyernes. Base sa COVID-19 case bulletin 174 sang DOH-6, sa 251 ka bag-o nga kaso, 214 dire ang Local cases, isa ang APOR, 27 ang LSI, kag 9 ang Returning OFWs.

Nalista ang pinakadamo nga bag-o nga kaso sa Negros Occidental nga naglab-ot sa 132, syudad sang Iloilo may 54, Bacolod City may 44, probinsya sang Iloilo may 10, probinsya sang Capiz may 10 kag isa sa Guimaras.

Sa karon nagsaka na sa 8,804 ang kabug-usan nga kaso sang COVID-19 sa rehiyon kon sa diin 3,545 diri ang active cases.


Nag-ayo naman sa balatian ang dugang nga 371 ka pasyente rasun nga naglab-ot na sa 5,121 ang mga nakarecover.

May 10 naman ang dugang nga ginbawian sang kabuhi kabangdanan nga nagsaka na sa 138 ang numero sang mga napatay.

[image: image.png]

Facebook Comments