Uban sa Municipal Social Welfare and Development Office, partikular nga giserbisyohan pangkomunidad sa tropa sa 25IB mao ang mga kabataan nga naa nagpabilin sa evacuation center sa lungsod sa Maco human sila maapektohan sa magnitude 5.9 nga linog duha na ka semana nakalabay.
Sa post sa Facebook sa 10th ID, gitudloan og basa, pagsuwat ug story telling sa mga sakop sa 25th IB ang mga kabataan kansang usa ka pamaagi aron kahatagan og psychological benefits ang naasoy nga mga bata hatud sa epekto sa linog.
Nasayran, dunay mga residente sa probinsiya sa Davao De Oro ang gipanghikling sa ilang mga pinuy-anan nunot sa kakusog sa linog nga mihampak sa pipila ka lungsod sa probinsiya ug sa kasigbit nga mga lugar sama sa Davao Del Norte, Davao Oriental, ug Davao City nga midanyos og kapin 40 milyones ka pesos nga kantidad sa mga dalan, mga gambalay ug establisimiento, ug kabalayan gawas sa mga pagdahili nasinati sa pipila ka barangay sa naasoy nga probinsiya.
RadyoMaN Joel Viray
