Pagadian City – Gikustodiya na karon sa kapulisan ning syudad sa Pagadian ang usa ka negosyante kinsa nakuhaan sa gitoohang shabu human gilusad sa Pagadian City Station Drug Enforcement Team ang Illegal Drugs buy-bust operation sa Purok Kapalaran, Balangasan, Pagadian City kagahapon sa udto.
Ang dinakpan nailang si JAY LUNA SON a.k.a “JAY”, 26 anyos, minyo, ug residente sa Purok Kapalaran, Balangasan, Pagadian City, kinsa giilang Drug Personality.
Nakumpiska gikan kang Son ang usa ka napulo ka pakete sa gitoohang shabu, usa ka libo nga salapi isip marked money, usa ka coin purse ug usa ka touch screen cellphone.
Gibana-banang mobalor sa 16 mil pesos ang kantidad sa gitoohang shabu nga nakuha gikan kang Son.
Gikatakdang pasakaan sa kasong paglapas sa R.A 9165 kon ang mas nailang “Comprehensive Dangerous Drugs Act of 2002”.
