Desidido nang mopasaka og kasong pagpanglugos ang usa ka 27 anyos nga dalaga batok sa iyang silingan.
Kini ang gipadayag sa biktima sa programang Straight to the Point-Kuskos Batikos ni Konsehal/ RadyoMaN Zaldy Ocon karong buntag.
Matud sa biktima nga gilugos siya sa suspek niadto pang Biyernes sa hapon sulod sa ilang boarding house sa Zone 5, Barangay Patag ning syudad.
Giagtoan matud pa sa kapulisan sa Carmen ang area apan pakyas silang masikop ang suspek nga si Dodong Sabado, gibana-banang nag-edad og kapin 20 anyos.
Karong adlawa, balikan sa biktima ang iyang medical certificate aron masuporta sa pagpasaka og kaso.
Gipadayag usab ni RadyoMaN Zaldy nga andam motabang ang dxCC-RMN Cagayan de Oro sa plano sa biktimang mapasakaan og kaso ang suspek
By: RadyoMaN Annaliza Amontos-Reyes.
