Sugod sa November 1, 2018 mo-epekto na ang 27 pesos kada adlaw nga salary increase sa tanang empleyado sa private sector sa Northern Mindanao.
Kini human gi-aprobahan sa National Wages Productivity Commission kon N-W-P-C niadtong Oktubre 16 ang wage order number 20 nga nagmando alang sa 27 pesos kada adlaw ang uminto sa suweldo sa mga trabahante sa Region 10.
Matud ni Nicandro Borja, Director for Operation sa Alliance Labor Union -Trade Union Congress of the Philippines kon ALU-TUCP nga niadtong Oktubre 17 gisugdan na sa Department of Labor and Employment o DOE ang pagpa-publish sa news papers sa Wage Order number 20 sulod sa duha ka semana.
Sa November 1, matapos ang duha ka semana nga publication sa Wage Order number 20 ug mo-epekto dayon ang wage order number 20.
Matud ni Borja nga kini nagpasabot nga sugod sa November 1, 2018, 365 ang kada adlaw nga suweldo sa mga empleyado sa Northern Mindanao, ubos kini sa Category 1 nga naglakip sa mga empleyado sa Cagayan de Oro, Iligan City, lungsod sa Tagoloan, Villanueva ug Jasaan, Misamis Oriental.
Ubos sa Category 2, 358 pesos na dayon ang Suweldo kada adlaw sa mga empleyado sa private sector sa Malaybalay City ug Valencia City sa Bukidnon, Gingoog City ug El Salvador City sa Misamis Oriental, ug Ozamis City sa Misamis Occidental.
Lakip sa Category 2, ang mga empleyado sa lungsod sa Lugait ug Opol, Misamis Oriental, Maramag, Quezon ug Manolo Fortich, Bukidnon nga modawat gihapon sa 358 pesos nga suweldo kada adlaw.
Ubos sa Category 3, 350 pesos kada adlaw ang suweldo sa mga empleyado sa Oroquita City ug Tangub City sa Misamis Occidental, Balingasag ug Laguindingan, Misamis Oriental.
Ubos sa Category 4, 343 pesos kada adlaw ang suweldo nga dawaton sa mga empleyado sa tanang syudad ug lungsod sa Region 10 nga wala malakip sa coverage sa Category 1, 2 and 3.
Gipasabot ni Borja nga kini nga minimum wages alang lamang sa mga Non Agricultiural employee.
Kay matud ni Borja nga ang miminum wage sa mga empleyado sa Agriculture, ubos gihapon sa upat ka Category.
Alang sa Category 1, P353 pesos ra ang minimum nga suweldo kada adlaw sa mga empleyado sa Cagayan de Oro, Iligan City, Tagoloan, Villanueva ug Jasaan Misamis Oriental alang sa Category 1 ubos sa Agriculture.
Ubos Sa Category 2, 346 pesos ra ang Minimum wage sa mga empleyado sa Malaybalay City ug Valencia sa Bukidnon, Gingoog City ug El Salvador City sa Misamis Oriental ug Ozamis City sa Misamis Occidental, lungsod sa Lugait, Opol sa Misamis Oriental, Maramag, Quezon ug Manolo Fortich sa Bukidnon.
Ubos sa Category 3, 338 pesos ra ang minimum wages sa mga empleyado nga nagtrabaho sa Agriculture sector sa Oroquita ug Tangub City sa Misamis Occidental, Balingasag ug Laguindingan Misamis Oriental.
Ubos sa Category 4, 331 pesos ra ang minimum wage sa mga empleyado sa Agricultural sector nga nagtrabaho sa tanang syudad ug lungsod sa Region 10 nga walay labot sa area of coverage sa Category 1,2 and 3.
Mahinomdoman nga napikon si Borja nga 27 pesos ra ang gihatag sa gobyerno nga uminto sa Suweldo sa mga empleyado sa Region 10, imbis ang ilang gipangayo sa ALU-TUCP sa DOLE, 320 pesos kada adlaw across the Board Increase.
