Nagalab-ot na sa 27,000 ka mga Overseas Filipino Workers sa rehiyon ang nahatagan sang ayuda sang Overseas Workers Welfare Administration ukon OWWA 12 sa idalom sang Balik Probinsya Program umpisa sang gindeklarar ang COVID-19 pandemic sa pungsod sang nagligad nga tuig.
Ini ang kumpirmasyon ni OWWA 12 OIC Regional Director Marilou M. Sumalinog kadungan sang selebrasyon sang 2021 Migrant Workers’ Day.
May-angot sini, gindayaw man ni Sumalinog ang sakripisyo sang mga OFW para sa ila pamilya sa pihak sang mga pagtilaw tuga sang COVID-19 pandemic.
Ginsiguro man sini ang padayon nga pagbulig sang OWWA sa iban pa nga mga OFW nga apektado sang pandemya.
Samtang sentro naman sang selebrasyon 2021 Migrant Workers’ Day sa rehiyon ang pagrelease sang financial assistance sa mgabenepisyaryo sang Balik Pinas, Balik Hanapbuhay (BPBH) Program and Scholarship Programs; OFW Dependent Scholarship Program (ODSP), ELAP – Education Component, and Educational Assistance through Scholarship in Emergencies (EASE).
Ginpasiguro man ni Sumalinog ang pagsunod sa minimum health protocol sa selebrasyon.
Tema naman sang 2021 Migrant Workers Day Celebration ang “Salamat sa tibay, galing at pagmalasakit mo, Kabayan.”
