General Santos City— Walay dagkong kalampusan ang rebeldeng New People’s Army kon NPA sa area of responsibility sa 27th Infantry Battion karong tuiga.
Sumala kang Lt. Col. Jones Otida, Commanding Officer sa 27th ib nga adunay pipila nga mga nahimo ang maong grupo sama sa pagpangsunog sa mga heavy equipment ug mga pagpangharass.
Apan iyahang gi-klaro nga dili kini ingon ka dagkong kalampusan ngadto sa rebeldeng grupo kung itandi sa ubang lugar.
Dugang pamahayag ni Lt. Col. Otida nga karon bulan sa Disyembre, wala pa silay naitalang hinimuang dautang sa rebeldeng NPA sa ilahang area of responsibility. Apan ilaha matud pang gina-paningkamutan nga dili makahimo ug unsa mang pag-pangharass ang maong grupo human sa ilahang anibersaryo karong adlawa.
Pag-angkon niini nga uyo pa man sa nagkagamay nga ihap sa npa, aduna gihapon silay kapasidad sa pagpahimo ug mga pagpangatake ug mga teroristang lihok.
Kalabot niini, gibutyag ni Lt. Col. Otida nga nagpabilin gihapon ang pagpang-recruit sa npa sa ilahag lugar kung asa kini maoy source sa ilahang man power.
Busa siya nanawagan sa katawhan nga dili gyud magpahaylo sa unsa mang bakak nga mga saad sa maong mga grupo. Kung asa gibutyag niini nga sagad sa hinungdan sa pagbalik sa sabakan sa gobyerno sa mga NPA mao ang mga pakyas nga mga saad.
