Pagadian City, Zamboanga del Sur – Malampuson nga nadakpan sa kapulisan, Zamboanga del Sur Provincial Drug Enforcement Unit ug Philippine Drug Enforcement Agency ang usa ka lalaki sa buy bust operation sa Barangay gatas ning syudad sa Pagadian ala 1:30 kaganihang kadlawon.
Ang suspek naila nga si Michael Longinos Tan alias ” OKO”, 29 anyos dunay live-in partner, nagtrabaho sa usa ka construction site isip time keeper og sa residente sa nahisgutang lugar.
Nakuha sa posisyon sa suspek ang duha ka pakite sa suspected shabu ug mark money nga 400 pesos.
Nasayran nga wala kabalo ang suspek nga ang nagpalit kaniya og iligal nga droga, usa diay ka pulis nga nagsilbing poseur buyer.
Sa karun detinado na sa Pagadian City Police Station detention cell ang suspek samtang naghulat sa atubangon nga kaso, partikyular na ang RA 9165 nga giila nga Dangerous drugs act of 2002.
