General Santos City—Bun-og sa lawas ug samad sa nawong ang na angkon sa usa ka Leonardo Rafael Macaraeg, 29 anyos, nga nanimuyo sa Barangay City Heights ning syudad human matud pa gikulata sa mga kalalakin-an alas 2:00 ang takna sa kaadlawon samtang uban niini ang iyahang hinugugma.
Sumala pa sa usa ka Pia Vanessa Palletero, 24 anyos, nga nanimuyo sa Yumang Street, Barangay San Isidro ning syudad ug kasamtangang hinigugma sa biktima nga ang kanhi matud pa niini nga live-in partner nga si Hamdain Almeihdi Binarao, 33 anyos ug ang laing tulo ka mga kaubanan niini ang maoy responsible sa pag pangulata sa biktima.
Sumala pa niini nga anaa sila sa Atis St. sa maong lugar sa dihang miabot ang grupo sa suspect ug gikulata ang biktima ug gibunalan ug bato sa ulo, samtang gilayon man nga misibat ang mga suspect human sa maong panghitabo.
Selos ang ginatutukan nga motibo karon sa kapulisan kabahin na sa maong insedente.(Dave Silagan)
