Tupi, South Cotabato—Patay ang usa ka lalaki human kining gitigbas didto sa Sitio Tukay-El, Tupi, South Cotabato, alas 12:15 niadtong nakalabayng adlaw.
Giila ang biktima nga si Andrio Saulda Zolina 29 –anyos, single, nag-uuma, residente sa maong luygar. Giila usab ang suspek nga si Alberto Maligon Dason, 46-anyos, susamang residente sa maong lugar.
Sa imbestigasyon sa sa Tupi Municipal Police Station, ayha ang insidente, nitamboang matud pa ang duha sa usa ka birthday party sa Sitio Mambusong sakop gihapon sa Barangay Cebuano.
Samtang nagbaktas ang biktima pauli sa ilang panimalay, kalit lang kining gitigbas sa suspek pila ka higayon gamit ang lagaraw. Daling gidala ang biktima sa ospital apan gideklara kining dean on arrival.
Boluntaryo usab nga misurender ang suspek sa Barangay Cebuano Officials ug giturn- over usab kini ngadto miresponding mga sakop sa Tupi Municipal Police Station.
Nasayran nga ayha ang krimen, naglalis nang daan ang biktima ug ang suspek didto sa venue sa gitambungan nilang birthday party. Sa karon giandam na sa Tupi PNP ang pagpasang-at ug kaso batok sa suspetsado.
