Naglab-ot na sa 29 ang kaso sang suicide sa South Cotabato base sa datos sang Police Provincial Office halin Enero tubtob subong nga bulan sang Hulyo.
Narekord naman ang ulihi nga insidente sang suicide sa bahin sang Purok Leganes, Brgy. Zone 1, Koronadal City kahapon nga adlaw nga isa ka lalaki ang nagpakamatay paagi sa pagluthang sa kaugalingon nga ang rason naman suno pa sini amo ang tungod sa naangkon nga balatian.
Nagagwa man sa datos nga two third sang numero sang mga nagkomitir sang suicde ang mga lalaki sa rason nga indi sang mga ini mashare ang problema sa iban indi kapareho sa babaye nga makapanugid sang problema.
Suno kay Police Lt. Col. Marvin Duadua ,Chief sang Community Affairs Office sang South Cotabato Police Provincial Office base sa ila imbestigasyon depression ang nangin kabangdanan sang pagkomitir sang suicide sang nasambit nga mga persona.
