Nakarekord na sang anum nga patay sa rabies ang Provincial Health Office sang South Cotabato subong nga tuig sa diin halos sa mga ini ang wala suno pa nagpabakuna matapos nga nakagat kundi nagpatandok lang.
Base sa datos tatlo ang narekord nga patay sa rabies sa syudad sang Koronadal, tig –isa naman sa banwa sang T`boli, Sto. Niño kag Tampakan.
May-angot sini, ginaawhag ni Provincial Health Officer Dr. Rogelio Aturdido Jr. ang mga nakagat sang ido, koring ukon ano man klase sang sapat nga may rabies nga magkadto gid sa Animal Bite and Treatment Center agud mahatagan sang tama nga pagbakuna.
Samtang tungod ginakulang ang rabies vaccine sang tawo amo nga importante ang prevention paagi sa pagpabakuna sang ido ukon hinuptan.
Facebook Comments
