298 ka board feet nga kahoy nakumpiska sa Maitum Sarangani

251

General Santos City – mukabat sa 298 ka board feet nga mga illegal logs nga gikarga sa usa ka tricycle ang nakumpiska sa Maitum Municipal Police Station sa ilang Area of Responsibility alas 3:00 ang takna sa kaadlawon niadtong nakalabayng adlaw.
Subay sa report sa Maitum Municipal Police station nga alas 3:00 ang takna sa kaadlawon dihang namatikdan sa nagpatrolyang miyembro sa kapulisan ang tricycle nga dunay kargang pinutol nga mga hard wood hinungdan nga kini gisita.
Tungo niini gisikop ang tricycle driver nga si Milbert Foras, legal age, residente sa Brgy Poblacion, Maitum gumikan sa pagdala niini sa maong mga kahoy nga gilangkuban sa 50 ka pinutol nga lawaan ug 10 ka yacal.
Sa kasamtangan ang driver balhog na sa silda sa Maitum PNP samtang ang mga nakumpiskang kahoy gidala sa buhatan sa Municipal Environment And natural Resources Office (MENRO) sa maong lungsod.
Ginahan-ay na usab ang tukmang kaso batok sa tricycle driver nga maoy nagdala sa mga pinutol nga kahoy.

Facebook Comments