2B Pesos AICS, natunol na sa DSWD XI sa tuig 2023

Nahatag na sa Department of Social Welfare and Development (DSWD) Region XI pinaagi sa Assistance to Individuals in Crisis Situation (AICS) ang kapin 2 billion pesos nga kantidad ngadto sa mga nagkinahanglan.

Naapod-apod kini sa 400,000 ka mga kwalipikadong indibiwal sa rehiyon.

Kini ang usa sa gibutyag ni Gemma Dela Cruz,
Chief Protective Services Division, DSWD XI atol sa gipahigayong Kapehan sa Dabaw gahapon, Abril 15, 2024.

Sumala pa niya, ang maong tabang nadawat sa mga benepisyaryo pinaagi sa nagkandaiyang mga assistance sama nalang sa Medical, Educational, Burial Transportation, Funeral, Food, ug Cash Assistances.

Dugang pa nga padayon gihapon ang paghatag sa AICS sa mga nanginahanglan niini karong tuiga.

Subay niini, gipahibalo sab ang katawhan nga adunay lain pang mga programa ang DSWD gawas sa AICS, sama nalang sa Social Pension Program, Supplementary Feeding Program, ug ang Centers and Residential Care Facilities Program.

via Almer Kaye Aguadera, DNSC Intern

#TatakRMN