Nagahulat pa ang Department of Social Welfare and Development (DSWD) Region 6 sang impyo nga listahan sang mga beneficiaries sang second tranche sang Social Amelioration Program (SAP) para sa ciudad sang Bacolod kag Iloilo kag probinsiya sang Iloilo.
Sa interview sang DYHB kay Mae Castillo, Public Information Officer sang DSWD Region 6, indi pa niya mapat-od kun san-o ma-release ang second tranche sang SAP bangud ginahulat nila ang clean list gikan sa DSWD national office kag Department of Finance (DOF) bangud nadiskubrehan nga may nagdoble nga mga ngalan.
Sa ciudad sang Bacolod masobra 80,000 families nga nakabaton sang 1st tranche ang liwat naman makabaton sang P6,000 nga SAP, kag may dugang nga masobra 15,000 ka mga left outs ukon ang mga wala nadala sa una nga tagtaganay.
Sa ciudad sang Iloilo, 79,000 families ang mahatagan sang second tranche samtang sa Iloilo province nagadangat naman sa 200,000. Samtang sa kabug-usan sang Western Visayas, 163,000 ang mga left out families nga hatagan sang ayuda.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
