Kagahapong adlawa dinhi gipahigayon sa probinsya sa Zamboanga del norte ang 2nd Zampen Shared Service Facilities (SSF) Summit 2018.
Gitambongan kini sa mga corporate beneficiaries nga naka benepisyo sa programa sa Department of Trade and Industry (DTI).
Moabot sa kapin 400 ka mga indibidwal ang misalmot gikan kini sa nagkadaiyang kalungsuran dinhi sa Zamboanga del norte, lakip usab ang mga partisipante gikan sa Zamboanga Del Sur, Zamboanga Sibugay, ug Zamboanga City.
Sa maong summit anaa mitambong si DTI Provincial Director Maridel D. Dengal, Regional Director Sitti Amina M. Jain Ph.D uban sa ilang mga Staff.
Ang pinsidunggang mamomulong mao si DTI Asec. Blesila A. Lantayona ang Regional Operations Group (ROG), matod pa niya gihatagan ug dakong pagtagad karon sa ilang ahensya alang niadtong buot mo pahimulos sa libreng mga makinarya o bisan unsa pang klase nga panginahanglanon sa buot magtukod ug negosyo.
Kini nga summit mao kini ang dakong panagtigom sa mga Micro, Small and Medium Enterprises (MSME) gikan sa nagkalain-laing probinsya.
Gibutyag pa ni DTI Asec Lantayona nga dako karon ug budget ang DTI nga moabot sa usa ka bilyon nga mao kini ang gamiton alang sa mga panginahanglon sa corporate member.
Dinhi sa Zamboanga del norte mao ang pinaka daghan nga benepisyaryo sa SSF adunay 53 ka buok kumpara sa ubang probinsya.
Giingon pa sa DTI ang makina nga ilang makuha libre kini lakip na usab ang pagbansay bansay kun unsaon pag gamit,human sa duha ka tuig mahimo ng maangkon sa mga benepisyaryo.
