![BATA-NALUMOS](https://i0.wp.com/rmn.ph/wp-content/uploads/2018/01/BATA-NALUMOS.jpg?resize=696%2C464&ssl=1)
Davao Occidental – Patay ang usa ka batang babae human nalumos alas 3:30 sa hapon didto sa Paraiso Resort sa may Sitio Dalamuan Barangay Mamacao Sta Maria Davao Occidental.
Subay sa spot report gikan sa blotter sa Sta Maria PNP, giila ang biktima nga mao si Shaira Mamasaunda, 3 anyos nga taga- Purok 2 Baybay Malalag Davao del Sur.
Namatikdan ni Jessel Asorilla, ang ante sa bikitma, nga nawala na ang iyang pag umangkon sa pool o liguanan sa pang bata ug pipila ka minuto nakaplagan nalang ang biktima nga nalumos sa swimming pool sa pang dagko nga adunay gitas-on nga 7 feet.
Daling gitabang ang biktima ug gidala sa Magtabog General Hospital sa lungsod Sta. Maria apan gideklara gihapon kini nga dead on arrival alas 4:30 sa hapon.
Ang patayng lawas sa biktima gidala na sa pamilya didto sa Barangay Baybay sa lungsod sa Malalag Davao del Sur.
RadyoMaN Don Pulayao