3 arestado, P231K shabu nasakmit sa gituohang drug den sa Buhangin

Davao City – Mobalor sa P231K nga shabu ang nasakmit sa Philippine Drug Enforcement Agency Regional Office XI uban ang National Bureau of Investigation XI SEMRO and Police Precinct 3 (Talomo Police Station) sulod sa giingong drug den sa 354-A, Sta. Monica Street, Purok Sto. Nino, Buhangin, Davao City.

Matud sa PDEA XI nga malampusong nadakpan atol sa buy bust operation ang suspek nga giidentipikang si Jay Cal alyas Jay, 49 anyos human kini mapalita’g nagkantidad sa P6,000 nga shabu sa agent sa PDEA nga nagsilbing poseur buyer.

Sikop usab ang giingong drug den visitors nga sila Joel Cal ug Cesar ang kinsa giingong naaktuhang nag shabu session.

Narekober sa mga operatiba ang musumada sa 15 gramos nga unom ka mga pakete sa shabu.

Kasong paglapas sa Section 5 (Sale of Dangerous Drugs) Section 6 (Maintenance of a Drug Den), Section 7 (Employees and Visitors of a Den), 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings) sa Article II of Republic Act 9165 kun The Comprehensive Dangerous Drugs Act of 2002 ang atubangon sa tulo ka mga nadakpang suspek.

RadyoMaN Aimee Guinita