General Santos City—Anaa na sa buhatan sa Bureau of Immigration-Davao ang tulo kamga babayeng Indonesian National nga una nang nadakpan sa kapulisan nga sakop sa Alaberl Municipal Police Station niadtong nakalabayng adlaw sa area sa barangay kawas, Alabel, Sarangani Province.
Giila ng maong mga langyaw nga silang si Christina Goni Wolanta, 25, Masye Supit Goni, 42, Irade Mendome Mahaling, 33 anyos.
Sumala ni Police Lt. Col. Teody Condesa, Spokesperson sa Sarangani Police Office nga namonitor sa Barangay Intelligence Network ang presensya sa tulo ka mga langyaw nga nagpuyo sa Barangay kawas uban sa ilang mga mananagat nga live-ibn partner.
Human nakumperma nga sila mga Indonesian national gisuta gilayon sa kapulisan sa lugar ug gipangitaan ug mga dukumento apan tungod iligal ang ilang pagsulod sa Sarangani-sila gidakop ug giturn-over sa Bureau of Immigration.
Basi sa Impormasyon nga nakaabot sa kapulisan ang maong mga Indonesian National miagi sa backdoor sa Sarangani bay particular sa Ballot Island dayon misulod sa Glan ug nangita ug puy-anan sa lungsod sa Alabel.
Aminado si Condesa nga sila naalarma gumikan sagad sa mga langyaw nga nasuway ug sulod sa Sarangani tua ra makit-an sa area sa Glan apan karon nakaabot na sila sa ubang lungsod sa Probinsya.
Gihingusgan hinuon sa opisyal nga sila sa kapuliasn wala magkuwang sa pagmonitor sa mga langyaw nga nagasulod sa probinsya ug pinaagi sa tabang sa kumunidad ilang masayran kung adunay mga nakasulod mao nga sila dayon kining respondihan.
